كافي يا حكومة الوطن مجروح


كافي ياحكومة الوطن مجروح
ومسلسلكم ما اظن بيه أخيره


كل هاي الكراسي باجر تروح
وحوبة هالشعب باجر جبيره


منريد احنة نبني ابراج وصروح
احنة نريد ريس عنده غيره


شسوي اني بـ برج والوطن مجروح
شافيلي الوطن ارضه بحصيره


كافي ياحكومتنة الشعب مات
خلونة نعيش انطونة فرصه


احنة اهل النفط ونجدي نفطات
ولد اغنة بلد ونعيش عالحصه


إصبعي الشالكم بالإنتخابات
بعد لو ينتخب والكعبة اكصة




للأمانة منقول و لم يرد لي اسم الكاتب لأذكره
فأمانة له منقول و تحياتي له اينما كان ( بحر جاسم )

ليست هناك تعليقات:

إرسال تعليق